Auteur/autrice : John

Paroles èt muzique : Sylvain Michel (role 1965 : « Ku fêt-on »)

Rèspleû
Caf’tî, tapoz co vite on d’mé, i n’èst nin co tins d’è r’aler !
Ç’n’èst nin manîre du fé hipète, mès n’s-èstans si bin à l’cand’liète !
Mon Dju, si méme on beût on vêre, n’s-îrans nin broûler o l’infêr,
Aloz’ co vite abrokî on tonê, n’s-avans bin d’cohe du vos rîmês ! (bis)

Couplèt 1
Adré nos-ôtes, c’èst d’tradicion : on n’pout rin fé, à ç’k’i parèt,
Cwand k’i fât prinde one dècîzion, sins s’rutrover è-n-on cafè !
C’èst po çoula k’è nosse cité, on pout compter, sins s’fé nâhi,
One bone cinténe du comités, ki minèt l’vèye du nosse Mâm’dî !

Couplèt 2
N’s-avans gote mèzâhe du gazète, ni d’loukî lu « Tèlèvîzion »,
Po c’nohe lès novèles, nom di m’guète, i n’fât nin d’moni o l’mâhon !
C’è-st-â cafè k’on raprind tot : lu vèye du Mâm’dî su raconte
Todi inte lès vêres èt lès pots, si vos-ave lu chance qu’on v’s-aconte !

Paroles èt muzike: Robert Counson (role 1974 : « Ezès bârîres »)

Rèspleû
I n’a rin d’ tél po s’ rumète l’âme o cwar, k’one bone sope âs peûs
Çoula tint bin tchôd è n’ fêt gote do twart, one bone sope âs peûs
C’èst l’ mèyeûr po cès ki v’ lèt d’ moni fwarts, one bone sope âs peûs
Méme si v’s-aloz co beûre après dol bîre, do pèkèt, vos tinroz l’ brouwèt
Tant pis si v’ lachoz kék’s bons reûts, çu n’èst nin dandj’ reûs, vîve lu sope âs peûs !

Couplèt 1
À Mâm’ dî on n’ manke sûr du rin, n’ s-avans dès mèts tot plin
Surtout d’ cès po bin supwarter lès ribotes du tote l’ ânée !

Couplèt 2
Fuzos cûre à tot gros bouyon, dès crompîres, dès-ognons
Masse du peûs avou dès porês, lârd èt sâcisses âs hopês !

Couplèt 3
Avou çoula so lu stoumac’ vos r’s’roz c’-one fî d’atake !
Po tchanter, çoula va fwart bin, nin à fé d’acompagn’ mint

Paroles : Marcel Collès /Muzike : Sylvain Michel (role 1964 : « Olé Toréro »)

Rèspleû
Vî Cwarmê, vo-t’ru-là, avou totes tès djôyes !
Vî Cwarmê, vo-t’ru-là, adju lès-anôyes !
Vî Cwarmê, tu sés bin, ku nos t’êmans bin,
Èt k’on t’f’rèt, vî Cwarmê, tos l’s-ans todi pus bê !

Couplèt 1
Tès bons-èfants, lès Mâm’diyins, tu rawârdî,
Èt tot l’long d’l’an, bin djintimint, sondjî à ti
Mês âdjoûrd’û, ku t’ès volà, n’s-èstans fin sots !
Po t’rumèrci èt po çoula, n’s tchantans bin hôt :

Couplèt 2
Nos tu l’djurans, duvins mèye ans, tu vik’rès co,
Èt lès-èfants d’nos p’tits-èfants, fièstih’ront co !
Èt tès Haguètes, tès Hârlikins, tès blancs Pièrots
Come nos l’fuzans duspôs lontins, tchant’ront bin hôt :

Rèspleû
Nos-ôtes, nos-avans l’ salâde russe, lu salâde russe, lu salâde russe
 carnaval, ku vout-on d’ pus’, ku l’ bîre èt l’ salâde russe !

Couplèt 1
Tot l’ monde a sès p’titès manîres, sès môdes, sès tchants èt s’ façon d’ rîre
Onk’ ême lu tripe, l’ôte lu lèv’ go èt d’ cès k’ êmèt bin d’ tot
Lès al’ mands ont leû salée djote, lès îtaliyins l’ macaroni
Lès swisses êmèt l’ froumadje ki rote9 , tandis k’è nosse Mâm’dî…

Couplèt 2
Cwand k’on rintère èt k’on z-èst plin , dju n’ cunoh nou mèyeûr mwayin :
Vite on kèyî10 du rodje salâde, nin dandjîr d’èsse malâde
Lu mèyeûr dès médicamints, djondant d’ çoula nu vât gote rin
One gordjî d’ clér12, on bokèt d’ dor, d’ sès stoumaks on ’nn’a d’ core !

Paroles èt muzique : Sylvain Michel (role 1962 : « Nosse Vinâve »)

Rèspleû
Hop’, on vêre ! On ’nnè r’va nin so ’ne djambe, di-st-on
Hop’, on vêre ! A Mâm’dî, ç’è-st-one tradicion
Hop’, on vêre ! Ç’ è-st-adon qu’on c’mince à tchanter
Buvans, hop’, on vêre, hop’, on vêre ! A vosse bone santé
Buvans, hop’, on vêre, hop’, on vêre, duvant d’ènnè r’aller !

Couplèt 1
Vos pôrîz cwèri tot-à l’ronde, po trover one cwane come Mâm’dî
Ki seûhe kunohou avâ l’monde èt p’lahe tchanter lès bèlès fièsses du nosse payis !

Couplèt 2
N’s-avans l’s-Èveûyes adon l’Sint-Dj’Han, lu nut’ du May èt lès cûh’nées
Mès, sins mankî, nos fièstihans nosse vî cwarmê, lu pus grande fièsse du tote l’ânée !

Paroles èt muzike: Robert Counson (1960)

Bons Mam’diyins, po l’ djèrin djoûr, tralalala, tralalala !
Fuzans co vite on mâssî toûr, tralalalalalala !
Nos tchant’rans avou tot nosse coûr, tralalala, tralalala !
Èt nos beûrans à nos-amoûrs, tralalalalalala !
Vîve nos-ôtes, sint nom di m’ guète, vîve Mâm’dî èt lès haguètes
Vîve lu bîre èt l’ salâde russe, â cwarmê ku vout-on d’ pus’ , tralalalalalala !
Amis tchantans à plins poûmons, nosse bon vî carnaval walon
Du nosse pays nos-èstans fîrs èt nos l’ criyans â monde ètîre ah, ah, ah !
Avou nos bèlès sôciyètés, nos haguètes èt tos nos d’ guizés
Nos mintinrans lu tradicion du nosse vî carnaval walon !

Coda
Pôve pièrot ki n’a pus dès djèyes, pôve pièrot ki n ‘a pus dès djèyes
A l’ êwe, à l’êwe, à l’êwe amon l’ Gonèsse
Pôve mohe, ku n’ tu sâvéves-tu ? Wice donc ? Podrî les cabus

Paroles èt muzique : Robert Counson (1960)

Tching-Boum! Tching-Boum! Tra-la-la-la-la! (bis)
C’ èst nos-ôtes lès pus djoyeûs, c’èst nos-ôtes lès pus-ureûs,
Èt tant k’i-gn-ârèt dès Mâm’diyins, lu cwarmê, on nu l’ roûvèy’rèt nin :
Tchantans hôt èt tchantans bas : [Tching-Boum !]
Tching èt Boum ta-ra !Tching-Boum ! tra-la-la-la!
Ah ! Ah ! Ah !

L’EVEUYE DU SINT-MARTIN Paroles de Paul Villers (1845-1890)

C’è-st-û lu veûye du Sint-Mârtin,
Nos-avans fini scole à timps !
Efilans don lès vîhès banses
Et lès tchènas sins anse !

Refrain :
Tra la la la la la la la la la la la !
Tra la la la la la la la la la !
La la la la la la la la la la la la !
La la la la la la la la la la la la la la la la la la !

Tchèrdjans djambes du strin èt fahês,
Nu roûviyans nin lès vîs tonês !
Qu’i ploûhe, qu’i nîve, qu’i tone, qu’i djale,
Nos tap’rans tot à spale – Refrain

Prindans avou cinq’ sîh ramons,
Dès blancs d’ so l’ fa : is sont si bons !
S’ on l’s-a méme hapés so lès hores,
Lès mêsses ènn’ ont bin d’ core – Refrain

Montans è-n-amont do croupèt,
Nos-èsprindrans qwand i f’rè spès.
Et noste èveûye sèrè l’ pus bèle,
Lès djins spâgn’ront l’ tchandèle – Refrain

Von’là l’ feû qui s’ èlîve o l’ êr ;
Loukoz donk on pô ciste afêre !
C’èst todi nosse bâne lu pus fwate,
C’èst co lèy qui l’ èpwate ! Refrain

Tot l’ monde crit : «  C’è-st-one saqwè d’ bê! »
Ossu nos brèyans come dès vês
Et nos zoûlans âtoû dès flames
Avou l ‘ ramon qui blame – Refrain

Po rud’hinde, broûlans nosse dièrin.
Tchantans, criyans : « C’èst l’ Sint-Mârtin ! »
Corans è-n-à-l’-valée do l’ vôye,
Tot nos sèwant à l’ rôye – Refrain

Lu police dîrè : « Sins minti,
Cès-èfants, ‘l èstît bin djintis,
Ca, tot r’moussant è nos vinâves,
On n’ supîye nou trô d’ câves. » Refrain

Nos-avans fêt û l’ Sint-Mârtin,
Çu sèrè djusqu’à l’ an qui vint,
Et qwand n’ moûr’rans, i s’ troûv’rè d’s-ôtes
Qui sûront nosse vîhe môde – Refrain

I.) I fêt tranquile, lu cî èst bê,
Ezès manèdjes on n’ôt nou brut.
Avâ lès tchamps, lès p’tits oûhês
Su r’pwazèt quéquès-eûres ossu.
Nos-ôtes, nos frohans bwas èt hâyes
Po trover one cohe bèle assez.

Refrain
O! quèle bèle nut‘, quu l’nut’du may,
Qwand qu’on-z-a l’boneûr d’èsse êmé.

II.) Nos v’nans, tot plins
d’djôye èt d’amoûr,
Planter l’âbe à cisse quun’s-êmans.
Tot calwan, n’sintans bate nosse coûr
Et du nosse mî, doûcemint, n’tchantans
Sohêtans qu’çoula li-ahâye,
Espèrant d’èsse ruscompinsés:

Refrain
O! quèle bèle nut‘, quu l’nut’du may,
Qwand qu’on-z-a l’boneûr d’èsse êmé.

III.) So l’timps quun n’tchantans,
nosse mêtresse
Su duspiète, su r’lîve bin keûtmint,
Ele vint lûtchî podrî l’finièsse,
Et s’a l’ timps long d’èsse à matin.
Et totes nos pônes, èle nos lès r’pâye,
Tot nos djurant fidélité.

Refrain
O! quèle bèle nut‘, quu l’nut’du may,
Qwand qu’on-z-a l’boneûr d’èsse êmé.